Parametrlər

Saytın görünüşü

İnversiya

Vurğu rəngi

Hərf ölçüsü

Hərf boşluğu

Xətt hündürlüyü

Şrift

Komitə “Bir Pəncərə” elektron müraciət sisteminin ölkə üzrə tətbiqinin genişləndirilməsi məqsədilə növbəti onlayn maarifləndirici tədbir keçirib
Komitə “Bir Pəncərə” elektron müraciət sisteminin ölkə üzrə tətbiqinin genişləndirilməsi məqsədilə növbəti onlayn maarifləndirici tədbir keçirib

Sistemin yeni imkanları yerli icra hakimiyyətlərinin nümayəndələrinə təqdim edilib

Dövlət Şəhərsalma və Arxitektura Komitəsi tərəfindən tikintiyə və istismara icazə əldə edilməsi mexanizminin sadələşdirilməsi, bu istiqamətdə səmərəliliyin və şəffaflığın artırılması məqsədini daşıyan “Bir pəncərə” elektron müraciət sisteminin ölkə ərazisində tətbiqinin genişləndirilməsi istiqamətində müxtəlif iqtisadi rayonlar üzrə maarifləndirici təlimlərin keçirilməsi davam edir. “Bir pəncərə” elektron sisteminin imkanlarını və portala əlavə edilmiş yenilikləri təqdim edən növbəti maarifləndirici onlayn tədbir Şəki-Zaqatala, Quba-Xaçmaz iqtisadi rayonlarının əhatə etdiyi 11 yerli icra hakimiyyəti orqanlarının iştirakı ilə baş tutub. Tədbirdə Balakən, Qax, Qəbələ, Oğuz, Şəki, Zaqatala, Xaçmaz, Quba, Qusar, Şabran, Siyəzən rayonlarının icra hakimiyyəti başçılarının müavinləri, baş memarlar, memarlıq və tikinti şöbələrinin əməkdaşları iştirak edib.

Görüş çərçivəsində Azərbaycan Respublikası Prezidentinin Fərmanına əsasən icazələrin alınması prosesinin asanlaşdırılması məqsədilə Komitə tərəfindən yaradılmış “Bir pəncərə” elektron sisteminin fəaliyyətinin genişləşdirilməsi üzrə görülmüş işlər, gələcək hədəflər, bu işdə yerli icra orqanlarının məsuliyyəti barədə ətraflı məlumat verilib.

İcra hakimiyyəti nümayəndələri ilə yanaşı tikinti icraatında iştirak edən aidiyyəti dövlət qurumlarının da təmsil olunduğu tədbirdə "Bir pəncərə" elektron sisteminin yeni modullarının funksionallığına dair təqdimat nümayiş olundu, bu sahə üzrə son illər ərzində həyata keçirilən islahatlar, vətəndaşlar üçün yaranan yeni imkanlar müzakirə edildi.

Onlayn tədbir çərçivəsində “Bir pəncərə” sisteminin hər bir funksional bölməsi əyani formada göstərildi, istifadəçinin elektron kabineti vasitəsilə test müraciətin bütün mərhələləri, o cümlədən tikinti layihəsinin elektron qaydada portala yüklənməsindən başlayaraq aidiyyəti dövlət qurumlarının rəylərinin onlayn şəkildə toplanması və nəticədə elektron icazənin alınmasınadək bütün proses iştirakçıların diqqətinə çatdırıldı. 

Bununla yanaşı, tikintiyə və istismara icazələrin verilməsi sahəsində yerli icra hakimiyyəti orqanları tərəfindən qanunvericiliyin tələblərinin yerinə yetirilməsinə dair cari vəziyyət, sistem vasitəsilə təqdim olunan sənədlərdə rastlanan xətalar və bunların aradan qaldırılması ilə bağlı Komitə tərəfindən qurum nümayəndələrinə müvafiq tövsiyyələr verildi.

Qeyd edək ki, Komitə tərəfindən tikintiyə və istismara icazələrin alınması prosesinin asanlaşdırılması, bu istiqamətdə şəffaflığın və vətəndaş məmnuniyyətinin artırılması məqsədini daşıyan “Bir pəncərə” elektron müraciət sistemi üzərində təkmilləşdirmə işləri davam edir və bununla əlaqədar digər iqtisadi rayonları da əhatə edəcək maarifləndirici təlimlərin keçirilməsi nəzərdə tutulur. 



Bütün xəbərlər