Keniyaya səfər çərçivəsində Dövlət Şəhərsalma və Arxitektura Komitəsinin sədri Anar Quliyev aprelin 9-da Nayrobi şəhərində Afrika İttifaqının komissarı Moses Vilakati ilə məhsuldar görüş keçirib.

Görüş zamanı Azərbaycan ilə Afrika ölkələri arasında əməkdaşlığın inkişaf məsələləri müzakirə olunub. Xüsusilə, ölkəmizin 15 ildir müşahidəçi statusuna malik olduğu Afrika İttifaqı ilə əlaqələrin genişləndirilməsi, dayanıqlı şəhər inkişafı və Afrika ölkələrində müvafiq qurumlarla əməkdaşlığın möhkəmləndirilməsi diqqət mərkəzində olub.