Dövlət Şəhərsalma və Arxitektura Komitəsinin sədri Anar Quliyev martın 31-də vətəndaş qəbulu çərçivəsində Xankəndi şəhərinə səfər edib.

Xankəndi şəhəri, Ağdərə və Xocalı rayonlarında məskunlaşdırılan sakinlərlə görüşən Komitə sədri vətəndaşların torpaq və digər daşınmaz əmlak üzərində hüquqları, yaşayış və qeyri-yaşayış təyinatlı obyektlərin layihələndirilməsi, eləcə də tikinti və istismara icazə prosedurları ilə bağlı müraciətlərini dinləyib, aidiyyəti üzrə göstərişlər verib.

Qəbul zamanı həmçinin Komitə tərəfindən istifadəyə verilmiş elektron icazə sistemi (e-tikinti.gov.az) barədə ətraflı məlumat verilib, bu sahədə şəffaflığın və operativliyin artırılmasında portalın üstünlükləri diqqətə çatdırılıb.