Dövlət Şəhərsalma və Arxitektura Komitəsi Bakı şəhərinin Baş planının ilk layihəsinin Azərbaycan peşəkar dairələri ilə müzakirəsinə başlayıb.

Bu məqsədlə təşkil olunmuş növbəti görüş Azərbaycan Memarlar İttifaqının üzvləri ilə keçirilib. Komitənin cəlb etdiyi beynəlxalq məsləhətçi şirkəti tərəfindən hazırlanmış Baş planın ilk layihəsi memarlara təqdim olundu, Bakınının gələcək inkişafına dair strateji məsələlər barədə ətraflı məlumat verildi. İttifaqı təmsil edən Azərbaycan ekspertləri görülmüş işləri yüksək qiymətləndirdi və təqdim olunmuş layihəyə dair təklifləri ilə bölüşdülər.