Azərbaycan Respublikasının Prezidenti cənab İlham Əliyev Birləşmiş Millətlər Təşkilatının Ümumdünya Şəhərsalma Forumunun On Üçüncü sessiyasının (WUF13) 2026-cı ildə Bakıda keçirilməsi ilə əlaqədar hazırlıq işlərinin yüksək səviyyədə təmin olunması məqsədilə Təşkilat Komitəsinin yaradılması haqqında 5 iyun 2025-ci il tarixində Sərəncam imzalayıb.

 

Qeyd edək ki, şəhərsalma sahəsində Azərbaycanın uğurlu fəaliyyəti layiqincə qiymətləndirilərək, daha bir irimiqyaslı qlobal tədbir olan WUF13-ün 2026-cı ildə Bakı şəhərində keçirilməsi qərara alınıb. Azərbaycan Respublikasının Prezidenti cənab İlham Əliyevin 25 aprel 2025-ci il tarixli sərəncamına əsasən Dövlət Şəhərsalma və Arxitektura Komitəsinin sədri Anar Quliyev WUF13-ün milli koordinatoru təyin edilib.

 

Əminik ki, Azərbaycana hörmət və etimadın göstəricisi olan bu mötəbər tədbirin yüksək səviyyədə təşkili ölkənin inkişaf strategiyalarının və dayanıqlı şəhərsalma sahəsindəki nailiyyətlərinin beynəlxalq ictimaiyyətə çatdırılması işinə əhəmiyyətli töhfə verəcəkdir.

 

Ətraflı: president.az