18-19 dekabr tarixlərində Ümummilli Lider Heydər Əliyevin 100 illik yubileyi çərçivəsində Heydər Əliyev Fondu və Azərbaycan Respublikası Mədəniyyət Nazirliyinin təşəbbüsü ilə keçirilmiş “Mədəni İrs” Forumunda Azərbaycan Respublikası Dövlət Şəhərsalma və Arxitektura Komitəsi sədrinin müavini İlqar İsbatov “Mədəni irs və müasir memarlıq: şəhərsalma prinsipləri” mövzusunda panel sessiyada moderator qismində iştirak edib.

 

Sessiya zamanı “Müasir Azərbaycan memarlığının inkişafı, milli elementlər və dizayn”, “Dayanıqlı şəhərsalma prinsipləri”, “İşğaldan azad olunmuş ərazilərdə #memarlıq və şəhərsalma. Ağıllı Şəhərlər”, “Böyük Qayıdış” proqramının reallaşdırılması: çağırışlar və hədəflər”, “Müasir şəhərlər və urbanizasiya məsələləri” və “Şəhərsalma və abidələrin qorunması” mövzularında çıxışlar dinlənilib.