Bakı Şəhərsalma Həftəsi çərçivəsində tədbirlərimiz davam edir. Bu istiqamətdə “Şəhərsalma həllərində dağ-mədən işlərinin yeri və rolu” adlı dəyirmi masa təşkil olunub.

Tədbirdə çıxış edən Ekologiya və təbii sərvətlər naziri Rəşad İsmayılov WUF13-ün Bakıda keçirilməsinin yalnız regional deyil, həm də qlobal miqyasda şəhərsalma, dayanıqlılıq və ətraf mühit sahələrində Azərbaycanın artan liderliyini nümayiş etdirdiyini qeyd edib.

Eyni zamanda urbanizasiya proseslərinə dağ-mədən fəaliyyətinin təsiri və ekoloji tarazlığın qorunması, mədən tullantılarının yaratdığı risklərin idarə edilməsi, eləcə də dayanıqlı məkan planlaşdırılması və innovativ idarəetmə yanaşmaları müzakirə olunub. Dəyirmi masa sənaye, ekologiya və şəhərsalma siyasətinin inteqrasiyası istiqamətində fikir mübadiləsinə şərait yaradıb.