Komitə sədri COP29 zamanı yaradılmış Bakı Davamlılıq Koalisiyasının iqlimədavamlı, insan mərkəzli şəhərsalma sahəsində qlobal əməkdaşlıqdakı rolundan danışıb. Bu təşəbbüsün şəhər iqlimi üzrə fəaliyyətin davamlılığına, qabaqcıl təcrübələrin tətbiqini və şəhərsalma siyasətlərinin inteqrasiyasını dəstəklədiyini vurğulayıb.

Həmçinin qeyd edib ki, əsas üzvləri Misir, BƏƏ, Azərbaycan və Braziliya olan Koalisiya könüllü əməkdaşlıq prinsipi ilə fəaliyyət göstərir və tərəfdaş ölkələrə açıqdır. Fəaliyyət istiqamətlərinə kommunikasiya, uğurlu layihələrin təqdimatı, nazirlər səviyyəsində dialoqun davamlılığı və müxtəlif maraqlı tərəflərin cəlb olunması daxildir.

Anar Quliyev gələn il Bakıda keçiriləcək Ümumdünya Şəhərsalma Forumu (WUF13) çərçivəsində Koalisiya vasitəsilə daha güclü koordinasiyanın qlobal öhdəliklərin yerli səviyyədə icrasına təkan verəcəyinə, həmçinin təhlükəsiz, inklüziv və dayanıqlı şəhərlərin qurulmasına töhfə verəcəyinə inandığını bildirib.