Gənclər və İdman Nazirliyinin dəstəyi, Gənclər Fondu ilə Dövlət Şəhərsalma və Arxitektura Komitəsinin tərəfdaşlığı və Gənclər Təşkilatları Milli Şurasının təşkilatçılığı ilə reallaşan forum şəhərsalma sahəsində gənclərə kreativ ideyalarını və innovativ həllərini təqdim etmələri üçün geniş imkanlar yaradıb.

Ekoloji cəhətdən dayanıqlı və insanyönümlü şəhərlərin inkişafında gənclərin rolunu artırmaq məqsədi daşıyan tədbirdə panel müzakirələr və praktiki təlimlər təşkil olunub. Beynəlxalq və yerli ekspertlərin qatıldığı müzakirələrdə sağlam və inklüziv şəhərlərin yaradılmasında qabaqcıl texnologiyaların tətbiqi mövzuları müzakirə olunub.

Forum çərçivəsində iştirakçılar həmçinin Bakı şəhərinin Baş Planında yer alan müasir yanaşmalara əsaslanan şəhərsalma layihələri hazırlayaraq bilik və bacarıqlarını nümayiş etdiriblər.

“UrbanVisions” Beynəlxalq Gənclər Forumu azərbaycanlı mütəxəssislərin beynəlxalq əməkdaşlıqda daha aktiv iştirakına və dünya təcrübəsinə inteqrasiyasına yol açan unikal platforma kimi yaddaqalan olub.