COP29-da Şəhərsalma Günü çərçivəsində “Yaşıl şəhər nəqliyyatı" mövzusunda nazirlər arasında keçirilən görüşdə nəqliyyat sistemlərinin dekarbonizasiyası və rəqəmsallaşdırılması ilə bağlı əsas məsələlər müzakirə olundu.

Rəqəmsallaşma və dayanıqlı inkişaf

Toplantının əsas mövzusu rəqəmsal texnologiyaların tətbiqi ilə ətraf mühitə davamlı və səmərəli nəqliyyat sistemlərinin yaradılması oldu. İştirakçılar karbon emissiyalarını azaldan innovativ həllər və “ağıllı” nəqliyyat texnologiyaları ilə bağlı uğurlu təcrübələrdən danışdılar.

Dekarbonizasiya və dayanıqlılıq

Müzakirələr zamanı dayanıqlı şəhər nəqliyyatının yaradılmasına xüsusi diqqət yetirildi. Elektrikli avtobusların inkişafı, mikronəqliyyat vasitələri və avtobus zolaqlarının genişləndirilməsi daxil olmaqla, “yaşıl” nəqliyyat həllərinin şəhər infrastrukturuna inteqrasiyasının sürətləndirilməsi qərara alındı.

Əməkdaşlıq və öhdəliklər

Tədbirdə rəqəmsal transformasiya və dayanıqlı nəqliyyat infrastrukturunun inkişafı ilə bağlı öhdəlikləri əks etdirən bəyanat qəbul olundu. 2027-ci ilə qədər “ağıllı “ və ekoloji cəhətdən əlverişli nəqliyyat sistemlərinin yaradılması üçün hökumətlərlə vətəndaş cəmiyyəti arasında sıx əməkdaşlıq müzakirə olundu.