Parametrlər

Saytın görünüşü

İnversiya

Vurğu rəngi

Hərf ölçüsü

Hərf boşluğu

Xətt hündürlüyü

Şrift

  • Ana səhifə
  • Media
  • Xəbərlər
  • İnşaat obyektlərinin tikintisinə və istismarına icazələrin verilməsi sahəsində aparılan islahatlar...
İnşaat obyektlərinin tikintisinə və istismarına icazələrin verilməsi sahəsində aparılan islahatlar mövzusunda onlayn görüş keçirilib
İnşaat obyektlərinin tikintisinə və istismarına icazələrin verilməsi sahəsində aparılan islahatlar mövzusunda onlayn görüş keçirilib

Tikintiyə və istismara elektron icazələr sistemi ictimai birliklər və biznes assosiasiyalarının nümayəndələrinə onlayn seminarda təqdim edildi.


Dövlət Şəhərsalma və Arxitektura Komitəsinin tikintiyə və istismara icazələrin verilməsi üzrə elektron sisteminin üstünlükləri növbəti onlayn seminarda bu dəfə ictimai birliklər və biznes assosiyasiyalarının nümayəndələri üçün nümayiş olundu, şəhərsalma proseslərinə dair suallar cavablandırıldı və təkliflər müzakirə olundu. Komitənin İqtisadi İslahatların Təhlili və Kommunikasiya Mərkəzi ilə birgə təşkil etdiyi vebinar iştirakçılarına tikinti obyektlərinin tikintisi və istismarına icazələrin verilməsi sahəsində  yeniliklər, islahatların üstünlüklərinin mahiyyəti və yaratdığı imkanlar, həmçinin  “Bir pəncərə” elektron sisteminin artıq yenilənmiş funksionallığı və yaxın gələcəkdə daha çox xidmətləri əhatə etmək məqsədilə planlaşdırılan təkmilləşdirilməsi barədə ətraflı məlumat verildi.
Təşkilatçılarla yanaşı, Fövqəladə Hallar Nazirliyi, Ekologiya və Təbii Sərvətlər Nazirliyi, Səhiyyə Nazirliyi, “Azərişıq” ASC və “Azərsu” ASC kimi dövlət qurumlarının əməkdaşlarının da qatıldığı bu vebinar çərçivəsində “Bir pəncərə” sisteminin funksionallığı və icazə proseduru mərhələlərlə iştirakçılara əyani şəkildə təqdim olundu.  Bildirildi ki, Dövlət Şəhərsalma və Arxitektura Komitəsi tərəfindən istifadəyə verilən “Bir pəncərə” elektron müraciət sistemi şəffaflığı və istifadədə rahatlığı sayəsində inşaat obyektlərinin tikintisinə və istismarına icazənin alınması prosedurunu əhəmiyyətli dərəcədə asanlaşdırmaqla məmur-sahibkar ünsiyyətini minimuma endirərək iş adamlarının əlavə vaxt itkisinin qarşısını almağa imkan yaratmışdır. Qeyd edildi ki, sistemin təkmilləşdirilməsi məqsədilə yeni xidmət növlərinin əlavə olunması istiqamətində işlər davam etdirilir və artıq portal vasitəsi ilə bütün növ obyektlərin tikintisinə icazələrin alınması da mümkün olub. Vebinar çərçivəsində “Bir pəncərə” sisteminin hər bir funkisonal bölməsi nümayiş olundu, istifadəçinin elektron kabineti vasitəsilə test müraciətin bütün mərhələləri, o cümlədən tikinti layihəsinin elektron qaydada portala yüklənməsindən başlayaraq aidiyyəti dövlət qurumlarının rəylərinin elektron qaydada toplanması və  nəticədə  elektron icazənin alınmasınadək bütün proses təqdim olundu, ictimai birliklər və biznes assosiyasiyalarının  nümayəndələrinin səsləndirdiyi təkliflər dinlənilərək qeydə alındı, sualları cavablandırıldı.



Bütün xəbərlər