Parametrlər

Saytın görünüşü

İnversiya

Vurğu rəngi

Hərf ölçüsü

Hərf boşluğu

Xətt hündürlüyü

Şrift

“Tikintiyə icazələrin verilməsi” üzrə işçi qrupunun növbəti iclası keçirilib
“Tikintiyə icazələrin verilməsi” üzrə işçi qrupunun növbəti iclası keçirilib

Azərbaycan Respublikasının Biznes Mühiti və Beynəlxalq Reytinqlər üzrə Komissiyasının “Tikintiyə icazələrin verilməsi” işçi qrupunun növbəti onlayn iclası keçirilib. Baş tutan iclasda cari ilin 10 ayı ərzində tikinti icraatında iştirak edən qurumlar tərəfindən tikinti və istismara icazə prosesi üzrə müraciətlərin icra müddəti, cari vəziyyətin səbəblərinə dair statistik məlumatları və təhlilləri əks etdirən təqdimat nümayiş etdirilib.

Bununla yanaşı, “Bir pəncərə” e-sisteminin ölkə üzrə tətbiqi və genişləndirilməsinə dair vəziyyət haqqında məlumat iclas iştirakçılarının diqqətinə çatdırılıb və ümumilikdə e-sistemin təkmilləşdirilməsi yönündə aparılan işlər, gələcək hədəflər haqqında fikir mübadiləsi aparılıb.

Eyni zamanda, Azərbaycan Respublikası Şəhərsalma və Tikinti Məcəlləsinin 82-ci maddəsinin tələblərinin təmin edilmə vəziyyətinin araşdırılması barədə Biznes Mühiti və Beynəlxalq Reytinqlər üzrə Komissiyasının sədrinin tapşırığının icrasına dair görülmüş işlər və növbəti ilin Fəaliyyət Planında bu məsələ ilə bağlı yer almış təkliflər barədə məlumat verilib.

Sonda işçi qrup üzvlərinin təklifləri əsasında tərtib edilmiş 2022-ci il üzrə Fəaliyyət Planının ilkin layihәsinin müzakirəsi aparılaraq dekabr ayınadək yekunlaşdırılması və “Bir pәncәrә” e-sisteminin texniki imkanlarının təkmilləşdirilməsi istiqamətində cari ay ərzində keçiriləcək tematik görüşün mövzusu barədə qərarlar qəbul edilib.



Bütün xəbərlər