Bakı Şəhərsalma Həftəsi çərçivəsində “Məktəbdə şəhər bağçılığı təşəbbüsü” adlı interaktiv tədbir keçirilib. Təşəbbüs şəhərsalmada ekoloji yanaşmaların təşviqi, şəhər mühitində “yaşıl” məkanların roluna dair maarifləndirmənin artırılması və uşaqlarda dayanıqlı şəhər mühiti ilə bağlı düşüncənin formalaşdırılmasını hədəfləyib.

Tədbir çərçivəsində məktəbdə şəhər bağçılığı məkanı təqdim olunub, uşaqlarla şəhər mühitində ekoloji balansın qorunması, yaşıl infrastrukturun əhəmiyyəti və dayanıqlı şəhər inkişafı mövzularında fikir mübadiləsi aparılıb.