Tədbirdə çıxış edən Anar Quliyev bildirib ki, sürətlə dəyişən dünyada ölkələrin ən böyük sərvəti insan kapitalıdır. Gənclərin potensialına sərmayə qoymaq, onların bilik və bacarıqlarının inkişafına dəstək vermək Azərbaycanın dayanıqlı gələcəyinə qoyulan ən dəyərli investisiyalardan biridir.

Komitə sədri qeyd edib ki, “Yüksəliş” müsabiqəsi bilikli, məsuliyyətli və strateji düşüncəyə malik yeni nəsil liderlərin yetişməsinə mühüm töhfə verir. Məhz bu gənclər gələcəkdə Azərbaycanın inkişafına töhfə verəcək, şəhərlərinin və dövlət institutlarının formalaşmasında mühüm rol oynayacaqlar.